ادھورا نقش

ماڈل ٹاؤن کی نرم دھوپ میں ، تکیہ تارڑ پر بیٹھے جب یہ ناول میرے ہاتھوں میں آیا تو یوں محسوس ہوا جیسے کسی مانوس خوشبو نے دل کے دریچے کھول دیے ہوں۔ کہانیاں تو صدیوں سے لکھی جا رہی ہیں، مگر ہر لکھنے والا انہیں نئی روح نہیں دے پاتا۔ ماہ نور احمد نے اپنے لہجے کی مٹھاس، احساس کی نمی اور لفظوں کی مہک سے اس کہانی کو ایک الگ پہچان عطا کی ہے۔ تحریر میں ایک ایسی اپنائیت ہے جو قاری کو خاموشی سے اپنے حصار میں لے لیتی ہے۔ یہی فن تحریر کا اصل حسن ہے۔ ماہ نور احمد کے لیے بہت سی دعائیں اور پیار۔

مستنصر حسین تارڑ